ស្ត្រីមានផ្ទៃពោះលេបថ្នាំប៉ារ៉ាសេតាម៉ុលអាចមានគ្រោះថ្នាក់បើសិនជាកូនជាកូនប្រុស
សេចក្តីរាយការណ៍ពី The Guardian បានឲ្យដឹងថា ការប្រើថ្នាំប៉ារ៉ាសេតាម៉ុលលើស្ត្រីមានផ្ទៃពោះអាចផ្តល់គ្រោះថ្នាក់បានបើសិនជាកូននោះជាភេទប្រុស។ អ្នកស្រាវជ្រាវបានរកឃើញអំណះអំណាងនេះត្រង់ថា ការលេបថ្នាំប៉ារ៉ាសេតាម៉ុលរយៈពេល ៧ថ្ងៃអាចបន្ថយកម្រិតជាលិកាពងស្វាសសម្រាប់ផលិតអ័រម៉ូនភេទប្រុសតេស្តូស្តេរ៉ុនបាន។ ការរកឃើញនេះគឺគ្រាន់តែយកជាលិកាពងស្វាសរបស់ទារកបំពាក់លើសត្វកណ្តុរប៉ុណ្ណោះ។
កាលណាកម្រិតអ័រម៉ូនតេស្តូស្តេរ៉ូនទាបលើស្ត្រីមានផ្ទៃពោះដែលមានកូនប្រុសគឺមានជាប់ទាក់ទងនឹងជំងឺមួយចំនួនចាប់ពីលក្ខណៈជំងឺស្រាលដូចជា ពងស្វាសមិនធ្លាក់ចូលថង់ពងស្វាស រហូតដល់ជំងឺធ្ងន់ធ្ងរដូវជា មិនអាចមានកូនបាន និងមហារីកពងស្វាសតែម្តង។ ប៉ុន្តែការប្រើថ្នាំនេះតែម្តងម្កាល ឬមួយថ្ងៃគឺមិនមានឥទ្ធិពលអ្វីខុសប្រក្រតីឡើយ។
ទោះបីជាយ៉ាងណាក៏ដោយ ថ្នាំប៉ារ៉ាសេតាម៉ុលជាទូទៅត្រូវបានគេជឿថាមានសុវត្ថិភាពណាស់សម្រាប់ស្ត្រីមានផ្ទៃពោះ ប៉ុន្តែជាមយយនឹងថ្នាំផ្សេងៗទៀត ស្ត្រីមានផ្ទៃពោះគួរតែប្រើវាតែក្នុងពេលចាំបាច់ ឬមានការណែនាំពីគ្រូពេទ្យច្បាស់លាស់ និងរយៈពេលខ្លីបំផុត៕
No comments